Rest G. Tuor
Rest G. Tuor ei carschius si a Sumvitg/Cumpadials. Suenter la patenta da scolast primar ha el absolviu il studi da musica alla Academia per musica da scola e da baselgia a Lucerna, il diplom da musica per scola II (scola media) e da direger tier Hans Zihlmann ed Alois Koch. Igl onn 1997 ha el absolviu il diplom d’instrucziun da cant solistic tier Hermann Fischer. Il medem onn vegn Rest G. Tuor undraus dil cantun Grischun cul premi da promoziun. Rest G. Tuor viva cun sia dunna Petra e lur treis affons a Laax.
Dapi 2001 instruescha el musica al gimnasi dil Principadi da Liechtenstein a Vaduz. Biars onns diregia Rest G. Tuor ils chor mischedai da Sumvitg/Cumpadials, da Laax ed il Chor Surselva. Tier differents projects da chor ed orchester ei Rest G. Tuor staus menader musical. Denter auter:
- Musical Anatevka
- Magnificat + Gloria da John Rutter
- Lauda Sion da Felix Mendelssohn-Bartholdy
- Liebeslieder Walzer da Johannes Brahms
- Missa omnium sanctorum da Gion Antoni Derungs
- Stagiuns da Joseph Haydn
- Davide Penitente KV 469 e Missa brevis en F KV 192 da W.A. Mozart
- Ovras romanticas da Gioachino Rossini e Duri Sialm
- Musica romantica da Mendelssohn-Bartholdy, Bruckner, Rheinberger
