GIOACCHINO ROSSINI (1792 – 1868)
Gioacchino Rossini numna sez sias cumposiziuns tardivas „péchés de vieillesse“. Siu dun per melodias semplas denton cumplexas mantegn el en tut sia musica. Quei che resta tochen la fin ei la levezia ed il humor ch‘ empleinan las cascadas da tuns e las coloraturas.
Las cumposiziuns per solo sco era per chor resplendan schibein maletgs e scenas ord la realitad dil 19avel tschentaner sco era ils sentiments e giavischs da mintga carstgaun. Per Gioachino Rossini sco grond cumponist dad operas ei quei naturalmein obligaziun ed evidenza!
DURI SIALM (1891 – 1961)
Duri Sialm drova en sias melodias in lungatg clar, sempel ed entelgeivel. El descriva la forza dalla natira, l’admiraziun per quella e per l’entira scaffiziun. Ella harmonisaziun resulta lu la capientscha per ils connex pli gronds, ins vesa la cumplexitad demonstrada cun in diever dallas tonalitads a moda romantica, denton slargada cun las pusseivladads aquistadas el 20avel tschentaner – e Duri Sialm capescha oreifer da trer tut ils registers en quei risguard!
placat_sponsurs
